Mumbai Local : पश्चिम रेल्वेचा नवा उपनगरीय वेळापत्रक 1 सप्टेंबरपासून लागू; एकदा बघा काय बदल झालेत

मुंबई : पश्चिम रेल्वेच्या उपनगरीय लोकल सेवांचे सुधारित वेळापत्रक 1 सप्टेंबर 2026 पासून लागू होणार आहे. प्रवाशांची वाढती मागणी आणि प्रवास अधिक सोयीस्कर करण्याच्या उद्देशाने या वेळापत्रकात अनेक महत्त्वाचे बदल करण्यात आले आहेत. विशेष म्हणजे, एकूण लोकल सेवांची संख्या 1,414 इतकीच राहणार असून सहा नव्या सेवा सुरू करण्यात येणार आहेत, तर सहा विद्यमान सेवा बंद करण्यात येणार आहेत.

सुधारित वेळापत्रकानुसार दोन अप दिशेच्या आणि चार डाउन दिशेच्या अशा एकूण सहा नव्या स्लो लोकल सेवा सुरू होतील. तसेच आठवड्याच्या कामकाजाच्या दिवशी धावणाऱ्या AC लोकलची संख्या 145 वरून 147 करण्यात आली आहे. शनिवार आणि रविवार मिळून एकूण 116 AC सेवा धावणार आहेत.

सहा नव्या लोकल सेवा

अप दिशेच्या नव्या सेवा

90400 बांद्रा–चर्चगेट

बांद्रा येथून सकाळी 11.58 वाजता सुटेल आणि दुपारी 12.30 वाजता चर्चगेटला पोहोचेल.

91020 विरार–बोरिवली

विरार येथून रात्री 11.51 वाजता सुटेल आणि मध्यरात्री 12.26 वाजता बोरिवलीला पोहोचेल.

डाउन दिशेच्या नव्या सेवा

90105 भाईंदर–विरार

सकाळी 7.46 वाजता सुटेल.

90929 बोरिवली–भाईंदर

रात्री 10.14 वाजता सुटेल.

90943 बोरिवली–विरार

रात्री 10.51 वाजता सुटेल.

91017 बोरिवली–भाईंदर

मध्यरात्री 12.28 वाजता सुटेल.

सहा विद्यमान सेवा बंद

नव्या वेळापत्रकानुसार सहा विद्यमान लोकल सेवा बंद करण्यात येणार आहेत.

अप दिशेच्या सेवा :

94138 AC लोकल
90540 बोरिवली–चर्चगेट

डाउन दिशेच्या सेवा :

94137 AC चर्चगेट–बोरिवली
90359 चर्चगेट–मुंबई सेंट्रल
90483 चर्चगेट–बोरिवली
90911 चर्चगेट–मुंबई सेंट्रल

दादर–डहाणू रोड थेट लोकल सेवा

सुधारित वेळापत्रकातील सर्वात महत्त्वाच्या बदलांपैकी एक म्हणजे दादर ते डहाणू रोड थेट लोकल सेवा.

सध्या धावणारी 90677 दादर–विरार आणि 93033 विरार–डहाणू रोड या सेवा एकत्रित करण्यात येणार आहेत. त्यानुसार सुधारित 93033 ही लोकल दादरहून सायंकाळी 5.22 वाजता सुटून 7.30 वाजता डहाणू रोडला पोहोचेल.

विरार–दादर लोकल आता चर्चगेटपर्यंत

92046 विरार–दादर ही सकाळी 8.23 वाजता विरारहून सुटणारी लोकल आता चर्चगेटपर्यंत वाढवण्यात येणार आहे. चर्चगेटपर्यंत वाढवलेल्या या सेवेचा क्रमांक 92056 असेल आणि ती सकाळी 9.48 वाजता चर्चगेटला पोहोचेल.

तसेच 92069 दादर–विरार या सेवेचा क्रमांक बदलून 92083 करण्यात येणार असून ही लोकल आता चर्चगेटहून सकाळी 9.52 वाजता सुटून नालासोपारापर्यंत धावेल.

दोन नॉन-AC लोकल आता AC

प्रवाशांसाठी आणखी एक महत्त्वाचा बदल म्हणजे दोन विद्यमान नॉन-AC लोकलचे AC लोकलमध्ये रूपांतर करण्यात आले आहे.

90693 चर्चगेट–बोरिवली

चर्चगेटहून सायंकाळी 5.28 वाजता सुटणारी ही सेवा आता 94105 AC म्हणून धावेल.

90758 बोरिवली–चर्चगेट

बोरिवलीहून सायंकाळी 6.24 वाजता सुटणारी ही सेवा आता 94110 AC म्हणून धावेल.

दोन्ही AC सेवा त्यांच्या विद्यमान मार्गावर आणि वेळेनुसारच धावणार आहेत.

काही लोकलच्या थांब्यांमध्येही बदल

सुधारित वेळापत्रकात काही लोकलच्या थांब्यांमध्येही बदल करण्यात आले आहेत.

चर्चगेट–विरार फास्ट सेवा 94113 AC आणि 90791 या अनुक्रमे सायंकाळी 6.22 आणि 7.05 वाजता चर्चगेटहून सुटणाऱ्या लोकल आता बोरिवली स्थानकावर थांबणार नाहीत.

याशिवाय चर्चगेट–बोरिवली AC लोकलच्या सेवांमध्येही बदल करण्यात आला आहे.

94029 चर्चगेट–बोरिवली ही सेवा आता फक्त गोरेगावपर्यंत धावणार असून तिचा क्रमांक 94045 चर्चगेट–गोरेगाव AC स्लो असा असेल.

परतीच्या दिशेने 94040 बोरिवली–चर्चगेट ही सेवा आता गोरेगावहून सुरू होईल. तिचा नवीन क्रमांक 94060 गोरेगाव–चर्चगेट AC स्लो असून ती सकाळी 11.39 वाजता गोरेगावहून सुटेल.

प्रवाशांनी वेळापत्रक तपासून प्रवासाचे नियोजन करण्याचे आवाहन

पश्चिम रेल्वेने सांगितले की, सुधारित वेळापत्रकात नॉन-पीक तासांमध्ये सेवा सुरू होण्याचे व समाप्त होण्याचे स्थान, स्लो-फास्ट सेवांचे संचालन, सेवा विस्तार तसेच थांब्यांच्या पद्धतीमध्ये आणखी काही बदल करण्यात आले आहेत.

त्यामुळे 1 सप्टेंबरपासून प्रवाशांनी आपल्या नेहमीच्या लोकलची वेळ, क्रमांक आणि थांबे तपासूनच प्रवासाचे नियोजन करावे, असे आवाहन पश्चिम रेल्वेकडून करण्यात आले आहे.